Քիչ առաջ Նիկոլ Փաշինյանը ֆեյսբուքյան ուղիղ եթերում ասաց, որ 41 նոր դեպք ունենք հաստատված կորոնավիրուսի վարակի:
Փաշինյանն ասաց. ՛՛Կոտայքի մարզի արտադրական ձեռնարկությունում է հայտնաբերվել, Էրեբունի համայնքի արտադրական ձեռնարկություններից մեկում է հայտնավերվել վարակի դեպք, ուստի պետք է ավելի ընդարձակ սահմանափակող միջոցառումներ ձեռնարկենք՝ կորոնավիրուսի հետագա տարածումը կանխարգելելու համար՛՛:
Նա ասաց, որ ընդհանուր առմամբ 235 անձանցից 26 հոգի ունի թոքաբորբ, բայց նրանց վիճակը վերահսկելի է, ինչպես նախկինում՝ մեծ մասը ախտորոշվածների ջերմություն չունի: 39-ից բաձր ջերմություն ունի այս պահի դրությամբ մեկ հոգի:
՛՛Այս պայմաններում մեզ անհրաժեշտ է ավելի խիստ սահմանափակումներ մտցնել և ավելի խիստ ձևով մոտենալ արգելքներին: Վաղվանից կարգելվի բոլոր տեսակի ռեստորանների և սրճարանների գործունեությունը, բացառություն կանենք առաքման ծառայությունների համար՛՛,-ասաց վարչապետը:
Նա նշեց, որ մեկ շաբաթով տեքստիլ արտադրական ձեռնարկությունները, թեթև արդյունաբերության մի շարք ճյուղերի գործունեությունը կարգելվի, շինարարական աշխատանքները որոշակիորեն կդադարեն:
Ինչ վերաբերում է մթերային խանութներին, դրանք կաշխատեն սովորական ռեժիմով:
Փաշինյանն ընդգծեց, որ սննդամթերքի, սանիտարահիգիենիկ, կենցաղային նշանակության թղթի արտադրությունը չի արգելվի:
՛՛Վաղը լավ լուրերի նույնպես սպասում ենք, մեր մեկուսացվածներից ավելի քան 70 հոգու 14 օրը լրացել է, պետք է նորից թեստավորենք, նախադրյալներ կան մտածելու, որ բացասական կլինի արդյունքը, նրանք կվերադառնան իրնեց տուն՛՛,-ասաց Փաշինյանը:
Վարչապետը խորհուրդ տվեց չլքել տունը, խուսափել բազմամարդ հավաքներից, պահպանել անձնական հիգիենայի կանոնները, խուսափել վտանգավոր շփումներից: