Շտապօգնության աշխատակից Սերժ Ազատյանը սոցցանցի իր էջում տեսանյութ է հրապարակել՝ կից գրությամբ.
«Շտապ օգնության 4րդ ենթակայանի մեր աշխատակիցները պարում էին և ունեին բարձր տրամադրություն, անգամ իրար ծափ էին տալիս։
Իհարկե ուրախանալու առիթ են ունեցել, քանզի նրանց տրամադրության լավ կամ վատ լինելը կախված է մարդկանց առողջական վիճակից։
Սիրելի բժիշկներ, կոլեգաներ, ձեր գործն անգնահատելի է, դուք օր ու գիշեր ծանրաբեռնված աշխատում եք հանուն մարդկային կյանքերի փրկության։
Բժիշկներ ջան արժանի եք հոտնկայս ծափահարությունների, նման պարելու և ուրախանալու առիթներ շատ ունենաք, քանի որ դուք եք մարդկանց բժշկողը։
Ջոբսն ասում է, որ աշխարհի ամենաթանկ մահճակալը «հիվանդ մարդու մահճակալն է»… ուրեմն եկեք միահամուռ ուժերով օգնենք բժիշկներին, մարդկանց ու մնանք տանը, քանզի բոլորն էլ ուզում են ապրել և լինել առողջ՝ անկախ տարիքից»: