Հայաստանում մարտի 29-ի ժամը 11։00 դրությամբ կա կորոնավիրուսի վարակով հաստատված 424 դեպք։ Այսպիսով, երեկվա հետ համեմատած, վարակվածների թիվն ավելացել է 52-ով։
Ինչպես տեղեկացնում են ՀՀ ԱՆ հիվանդությունների վերահսկման և կանխարգելման կենտրոնից, ապաքինվել է 30 քաղաքացի։ Փաստացի բուժվում է 391 մարդ։ Թեստի բացասական արդյունք է գրանցվել 2054 դեպքում։ Մահվան ելքա 3 դեպք կա
Առողջապահության նախարար Արսեն Թորոսյանն ուշ գիշերն տեղեկացրեց, որ Նորքի ինֆեկցիոն հիվանդանոցում երկու մահվան դեպք է գրանցվել՝ 55 տարեկան կնոջ և 73 տարեկան տղամարդու, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։
Հիշեցնենք՝ Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն հայտարարվել է արտակարգ դրություն։ Որոշում է կայացվել մարտի 24-ից մեկ շաբաթով սահմանափակել մարդկանց ազատ տեղաշարժը, դադարեցնել միջմարզային, մարզ-Երևան-մարզ հանրային տրանսպորտի գործունեությունը։