ՀՀ առողջապահության նախարար Արսեն Թորոսյանը կառավարության այսօրվա նիստում նշեց, որ այս պահին կորոնավիրուսով վարակման 482 հաստատված դեպք կա։
«Դրանից 58-ը գրանցվել է վերջին մեկ օրվա ընթացքում։ Այդ մարդկանցից 25-ը գտնվել են կարանտինում և կոնտակտներ չեն ունեցել։ 31 հոգին, որոնց մեջ կան բուժաշխատողներ, էնպիսի անձինք ենք, ովքեր ի սկզբանե եղել են կասկածելի գոտում․ շփված են եղել հաստատված դեպքի հետ։ Եվ միայն 2-ն են, որ նոր բերովի դեպք են արտերկրից, որոնց շփման շրջանակը պարզվում է»,- մանրամասնեց Թորոսյանը:
Նախարարը նշեց, որ 14 ծանր և 1 ծայրահեղ ծանր պացինետներ ունենք․ «Չեմ ուզում առաջ անցնել, բայց ասեմ, որ ծայրահեղ ծանրը կդառնա ծանր, այսինքն՝ ունենք բարելավում, հնարավոր է՝ սարքը անջատենք, և նա ինքնուրույն շնչի»։
Նրա խոսքով՝ բժիշկների աշխատանքի շնորհիվ երկու ծանր համարվող պացիենտ կարող է տեղափոխվել սովորական պալատ։
ՀՀ վարչապետ Նիկոլ Փաշինյանը մանրամասնեց՝ այսինքն՝ այս պահին օգտագործում ենք միայն մեկ շնչառական ապարատ, որն էլ կանջատենք։