Երկրից երկիր վիճակագրությունը տարբեր է, ինչը կապված է տվյալ երկրի կենսակերպի հետ. օրինակ՝ եթե օրական 3 տուփ սիգարետ ծխող 30 տարեկան մարդ ունենանք, ինքը պոտենցիալ չփրկվող պացիենտ է, եւ երիտասարդ մահ կունենանք: Այս մասին այսօր կառավարության արտահերթ նիստում ասաց առողջապահության նախարար Արսեն Թորոսյանը՝ անդրադառնալով կորոնավիրուսով վարակվածների տարիքային վիճակագրությանը:
Անդրադառնալով հարեւան երկրներում տիրող իրավիճակին՝ նա հավելեց. «Օրինակ՝ հարեւաններից մեկի մասին կային չճշտված տվյալներ, որ արհեստական օդափոխության սարքերի վրա կան բավական մեծ թվով 40-ից ցածր անձինք, պետք է պարզել այդ անձանց առողջական պատկերը: Եթե իմ ասած տարբերակն է, այսինքն ոչ առողջ ապրելակերպ են վարել, իրենք պոտենցիալ ռիսկի տակ են: Հետեւաբար՝ չի կարելի ասել, որ բոլոր երկրներում այդպես կլինի»: