Այսօր ունենք մի փոքր մեծ թիվ՝ կորոնավիրուսի դեպքերը շատացել են: Այսօր կառավարության նիստին նման հայտարարություն արեց Առողջապահության նախարար Արսեն Թորոսյանը՝ նշելով, որ երեկ կատարված թեստի արդյունքները 90 նոր դեպք են հաստատել։
«Մեծ մասը կարանտինում են լինում, կան կորոնավիրուսի բերովի դեպքեր, շրջանակները պարզվում են։ Այս պահի դրությամբ ունենք արդեն 16 հաստատություն, այս պահի դրությամբ ՀՀ֊ ում արդեն ինը բժշկական կազմակերպություն զբաղվում են գրեթե միայն կորոնավիրուսով պացիենտների բուժումով»,֊ասաց նա։
Թորոսյանը նշեց, որ կորոնովիրուսով հիվանդ պացիենտներով զբաղվում են Նորքի ինֆեկցիոն հիվանդանոցը, Օրթոպեդիայի ինստիտուտը, Ոստիկանության հոսպիտալը, Սուրբ Աստվածամայր բժշկական կենտրոնի ծննդատան մասնաշենքը, Արտաշատի բժշկական կենտրոնը, Վանաձորի ինֆեկցիոն հիվանդանոցը, Կապանի բժշկական կենտրոնի առանձին մասնաշենքը։
«Որոշում է կայացվել ՀՀ ամենամեծ ԲԿ֊ն ՝ Գրիգոր Լուսավորիչ բժշկական կենտրոնը պետք է նույնպես զբաղվի այս գործով։ Օրվա ընթաքում ԲԿ֊ն ամբողջությամբ կդատարկվի, այնտեղից ռեանիմացիոն պացիենտները կտեղափոխվեն այլ ԲԿ֊ներ»,- եզրափակեց Արսեն Թորոսյանը: