«Ուզում եմ նշել, որ երգչուհին տանը մենակ է ապրել, չգիտեմ՝ ունեցե՞լ է թոքաբորբ. դա կհաստատի դատաբժշկական փորձաքննությունը։ Շտապօգնության կանչ է գրանցվել, բժիշկները երգչուհուն առաջարկել են, որ նա թեստավորում անցնի և հոսպիտալացվի, բայց վերջինս այդ պահին հրաժարվել է և ասել, որ առավոտյան կդիմի հիվանդանոց, բայց արդեն առավոտյան վրա է հասել մահը։ Շփման շրջանակը պարզվում է։ Բուժքույրը վատառողջ է, մեր մասնագետները վերջինիս հետ կապ են հաստատել»։
Այդ մասին կառավարության մամուլի կենտրոնում հայտնեց առողջապահության նախարարի մամուլի խոսնակ Ալինա Նիկողոսյանն՝ անդրադառնալով ԳԱԼԱ-ի հարցին, թե պարզվե՞լ է՝ կորոնավիրուսի՞ց է մահը վրա հասել, թե՞ ոչ, շփման շրջանակ պարզելու, մեկուսացնելու ուղղությամբ ինչ քայլեր են արվել։
Ա․ Նաղդալյանը նշեց, որ երգչուհու շփման շրջանակը պարզվում է, քույրը նույնպես վատառողջ է և մասնագետները կապ են հաստատել վերջինի հետ։
Հիշեցնենք, որ հիսուն տարեկանում մահացել է Ալ. Սպենդիարյանի անվան օպերայի և բալետի ազգային ակադեմիական թատրոնի երգչախմբի երգչուհի Աննա Սարդարյանը: