Այսօր մամուլի ասուլիսի ժամանակ ԿԳՄՍ նախարարի տեղակալ Ժաննա Անդրեասյանը, պատասխանելով կորոնավիրուսի պատճառով երկրում ստեղծված վիճակի պայմաններում Վերջին զանգի անցկացման մասին հարցին, ասաց, որ այս պահին քննարկում են մի քանի սցենարներ, թե ինչպես պետք է շարունակվի ուսումնական գործընթացը և դրա հետ կապված բոլոր քայլերը:
Նա, մասնավորապես, նշեց. «Իհարկե լավատեսական մոտեցումն այն է, որ մենք կկարողանանք ունենալ որոշակի գործընթաց, սակայն պատրաստ ենք նաև մյուս բոլոր տարբերակներին: Կարծում ենք, որ առաջիկայում արդեն հստակ կլինի:
Բայց այստեղ ուզում եմ բոլորին հիշեցնել, որ վերջին տարիներին նախարարության քաղաքականությունը եղել է այն, որ «Վերջին զանգն» առավելապես ոչ թե արտաքին ճոխություն է կամ որևէ ավելի ցուցադրական բաները, այլ այն հոգեվիճակը, ուրախությունն ու իմաստավորումը, որն այս օրերին շատ ավելի մեծ ուրախությամբ ենք անում: Կարծում եմ, որ այս տարի «Վերջին զանգը» բոլորիս համար կունենա բոլորովին այլ նշանակություն»:
- Լրահոս
- Թրենդային