Covid 19 վարակ ունեցող 4ամյա փոքրիկը երեկ՝ ապրիլի 8-ին, դիմածնոտային միջամտության է ենթարկվել։ Այս մասին ֆեյսբոքում գրել է ԵՊԲՀ ռեկտոր Արմեն Մուրադյանը։
Երեխան համալսարանական հիվանդանոց էր տեղափոխվել ապրիլի 8-ին, դիմածնոտային վիրաբույժները շտապ ցուցումով իրականացրել են վիրահատություն՝ մանկական վարակաբանի ներկայությամբ:
«Փոքրիկի վիճակը կայուն է, ներկա պահին գտնվում է բժիշկների հսկողության ներքո, ի դեպ արդեն ժպտում է։ Շնորհակալություն եմ հայտնում ԵՊԲՀ Մուրացանի բուժանձնակազմին՝ դուք լավագույններից եք»,- գրել է նա։
Մուրադյանը նաև հորդորել է մնալ տանը և օգնել բժիշկներին։