Տավուշի մարզի Սեւքար համայնքի բուժքույրը նախօրեից մեկուսացված է, քանի որ շփում է ունեցել Իջեւան քաղաքի բանկերից մեկում վարակի հաստատված դեպքի հետ։ Սեւքարի գյուղապետ Թաթուլ Թելոյանը NEWS.am-ի հետ զրույցում նշեց, որ կինը աշխատում է ամբուլատորիայում։
Գյուղապետը հայտնեց նաեւ, որ նույն դեպքին առնչվող եւս մեկ բնակիչ է մեկուսացվել Սեւքարից։ Նա 43-ամյա տղամարդ է, որը նույնպես այցելել է բանկ եւ շփում է ունեցել վարակված աշխատակցի հետ․ «Թուղթ է փոխանցել, դուրս եկել»։