Վարչապետի մամուլի քարտուղարը Մանե Գևորգյանը չի հաստատում արտակարգ դրությունը 30 օրով երկարացնելու մասին մամուլում շրջանառվող լուրերը։
“Դեռ նման որոշում չկա”,- հավաստեց Գևորգյանը InfoPort-ի հետ զրույցում:
Նշենք, որ համաձայն մամուլում շրջանառվող լուրերի՝ Կառավարությունը մտադիր է երկարացնել արտակարգ դրության ժամկետը 30 օրով՝ 2020 թվականի ապրիլի 14-ից մինչև 2020 թվականի մայիսի 14-ը ժամը 17։00 ժամկետով:
Ըատ մամուլի` համապատասխան որոշման նախագիծը արդեն ներքին շրջանառության մեջ է դրված: Ըստ այդ նախագծի, շարունակելու են գործել նախկին որոշմամբ սահմանված սահմանափակումները, եթե այլ բան նախատեսված չէ:
Հիշեցնենք, որ ՀՀ ողջ տարածքում արտակարգ դրությունը գործում է 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն:
Երկրում գործում է խիստ սահմանափակումների ռեժիմ: