Մարտունու համայնքապետ Արմեն Ավետիսյանի հորդորը.
Չնայած կորոնավիրուսի դեմ պայքարելու մեր բոլոր ջանքերին և նախազգուշացումներին` ցավոք, արդեն Գեղարքունիքի մարզում էլ ունենք կորոնավիրուսի հաստատված դեպք, իսկ եթե կա թեկուզ մեկ դեպք, ուրեմն` մեզնից և ոչ մեկը ապահովագրված չէ, և գուցե այս պահին նա համարվում է վիրուսի վարակը տարածող շղթայական օղակներից մեկը։
Դեռևս պարզ չեն այն բոլոր վարակակիր անձանց անունները, այդ իսկ պատճառով ուղղակի դադարեցրե’ք շփումները և առաջին ախտանշանների դեպքում (բարձր ջերմություն, շնչարգելություն, հազ, հևոց) դիմե’ք բժշկի։
Այսօրվանից խստագույնս պահպանել բոլոր ընդունված նախապաշտպանական միցոցները։
Ոստիկանությունը հետևելու է և կիրառելու տուգանքի բոլոր գործիքները քաղաքացիների զգոնությունը բարձր պահելու համար։
Ավելի ուշ նա ևս մեկ հայտարարություն է տարածել.
«Մեր համաքաղաքացիների անհանգստություններին ի պատասխան` ուզում եմ տեղեկացնել, որ «Մարտունու բժշկական կենտրոն» ՓԲԸ-ի այն աշխատակիցները, ովքեր անմիջական շփում են ունեցել կորոնովիրուսով վարակված հիվանդի հետ, թեստավորվել են, և թեստերի արդյունքները եղել են բացասական։
Այն կարծիքները, որ բժիշկները և բուժքույրերը շփվել են կորոնավիրուսով վարակված պացիենտի հետ, ուրեմն բոլորը արդեն վարակակիր են, ուրախությամբ կարող եմ նշել` չի համապատասխանում իրականությանը»,-ասված է երկրորդ հայտարարության մեջ: