Հայաստանում ապրիլի 13-ի ժամը 11։00 դրությամբ կա կորոնավիրուսի վարակով հաստատված 1039 դեպք։ Ապրիլի 12-ի հետ համեմատած՝ վարակվածների թիվն ավելացել է 26-ով։
Ինչպես տեղեկացնում են ՀՀ ԱՆ հիվանդությունների վերահսկման և կանխարգելման կենտրոնից, ապաքինվել է 211 քաղաքացի։ Փաստացի բուժվում է 814 մարդ։ Թեստի բացասական արդյունք է գրանցվել 7631 դեպքում։ Մինչ օրս մահացել է 14 քաղաքացի։
«Սուրբ Գրիգոր Լուսավորիչ» բժշկական կենտրոնում արձանագրվել է մահվան դեպք։ Այս մասին հայտնում է ԱՆ մամուլի խոսնակ Ալինա Նիկողոսյանը։
«67-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։ Բացի այդ, կինն ոււնեցել է ուղեկցող խրոնիկ հիվանդություն՝շաքարային դիաբետ։
Ապրիլի 12-ի դրությամբ ունենք կորոնավիրուսային հիվանդության 26 նոր դեպք և 14 առողջացածներ»,- ասված է նրա ֆեյսբուքյան գրառման մեջ։