Կազմվել է վարկանիշ, ըստ որի հայտնի է կորոնավիրուսով վարակվելու ամենառիսկային վայրերը։ Այս մասին հայտնում է Լենտան՝ հղում անելով բժիշկ Վլադիմիր Զայցևին:
Նրա խոսքերով, հինգերորդ տեղում աղբը թափելու համար փողոց դուրս գալն է: Չնայած վարակվելու համեմատաբար փոքր ռիսկին, վիրուսային մասնիկները, որոնք որոշ ժամանակ կարող են կենսունակ մնալ փոշու վրա, կարող են վտանգ ներկայացնել:
Չորրորդ տեղում շանը զբոսանքի տանելն է: Կենդանուն զբոսանքի տանելիս մարդն ավելի հաճախ է դիպչում մուտքի և ելքի դռան բռնակներին: Բացի այդ, վիրուսը կարող է տուն բերել շունը։
Երրորդ տեղը՝ բենզալցակայաններն են: Զայցևը բացատրել է, որ վառելիքը լցնելու համար նախատեսված սարքը, որին օրվա ընթացքում կարող են բազմաթիվ մարդիկ դիպչել, վարակի իրական օջախ է:
Երկրորդ տեղում խանութներն են: Վիրուսներից պաշտպանվելու համար բժիշկը խորհուրդ է տվել դրանք այցելելիս դիմակ կրել, սայլակների բռնակներն ախտահանել հակասեպտիկով, նախապատվությունը տալով փաթեթավորված արտադրանքներին և հնարավորինս քիչ դիպչել ցանկացած առարկայի։
Առաջին տեղում են դեղատները: Ըստ նրա, հիմնական վտանգն այն է, որ այնտեղ այցելում են հիմնականում ոչ առողջ մարդիկ։