Հայաստանի մասնավոր լաբորատորիաներում կարող են սկսել կորոնավիրուսի թեսթավորում անցկացնել՝ վճարովի հիմունքներով։ Այս մասին «Ազատությանը» տված հարցազրույցում ասաց առողջապահությւան նախարար Արսեն Թորոսյանը։
Նրա խոսքերով՝ այսօր երկրի քաղաքաքցիները չեն կարող իրենց կամքով կորոնավիրուսի թեսթ հանձնել, թեսթի անցկացման համար հստակ ցուցումներ են պետք։ Նախարարը հիշեցրեց, որ դա ՊՇՌ մեթոդով բարդ անալիզ է, որի անցկացումը պահանջում է շատ ժամանակ եւ ռեսուրսներ, այդ պատճառով թեսթավորում են միայն այն պացիենտներին, ում մոտ կասկածվում է COVID-19, ում մոտ պնեւմոնիա կա եւ եւս մի քանի խումբ մարդկանց։
Սակայն կան նախնական տվյալներ, թե որոշ լաբորատորիաներ կարող են սկսել վճարովի հիմունքներով անցկացնել այդ թեսթը, այդ դեպքում այն կարող են հանձնել բոլոր ցանկացողները, իրենց «հանգստության համար»։ Այլ հարց է՝ կա արդյոք դա անելու իմաստ, չէ՞ որ մարդը կարող է վարակվել անալիզը հանձնելու եւ բացասական արդյունք ստանալու հաջորդ օրը։
«Դրա արդյունավետությունը մեծ հարցականի տակ է, չէ՞որ այդ դեպքում մարդը ստիպված կլինի համարյա ամեն օր թեսթ հանձնել, որպեսզի համոզվի, որ չի վարակվել երեկ կամ 5 օր առաջ»,- ասաց նախարարը։
Խոսելով կորոնավիրուսի արագ թեսթերի մասին՝ նախարարը հիշեցրեց, որ դրանց արդյունքները բավարար չեն համարվում՝ արդեն եղել են մի քանի դեպքեր, երբ ռապիդ-թեսթի արդյունքը դրական է եղել, սակայն ՊՇՌ մեթոդով ավելի ճշգրիտ անալիզը հերքել է կորոնավիրուսի առկայությունը։
***
«Ծայրահեղ ծանր վիճակում ունենք 7 անձ, երեխաների թիվ չեմ կարող ասել, որովհետև չգիտեմ, աշխարհագրության մասով կարող եմ ասել, որ ամբողջ երկրում էլ կան վարկակիրներ՝ միգուցե մի մարզում քիչ, մյուսում՝ շատ»,- այսօր Ազատության ֆեյբուքյան ուղիղ եթերում ներկայացնելով կորոնավիրուսի վերաբերյալ վերջին տվյալները, ասաց Առողջապահության նախարար Արսեն Թորոսյանը:
Հարցին՝ ի՞նչ կարգով են հողին հանձնվում մահացած վարակակիրները, Արսեն Թորոսյանը պատասխանեց, որ գործում է հատուկ կարգ, երբ մահացած վարակակիրները տեղափոխվում են դիահերձարաններից մեկը, հատուկ ձևով դրվում են փակ դագաղի մեջ. «Սա շատ նեղ մասնագիտական հարց է, չէի ուզենա այս մասին խոսել, բայց անում ենք այնպես, որ վարակը չտարածվի: Դիահերձում արվում է այն դեպքերում, երբ կա դատական բժիշկների ցուցում, իսկ մնացած դեպքերում չի արվում»,- պարզաբանեց նախարարը: