«Ազատ հայրենիք» կուսակցությունը վաղուց հայտարարությամբ հանդես է եկել: Մենք դիմել ենք դատախազությանը՝ խափանման միջոցի հնարավոր փոփոխության հարցով: Ստորագրություններ են հավաքվել կուսակցության պատգամավորների կողմից: Այս մասին լրագրողների հետ հանդիպմանը հայտարարեց Արցախի նորընտիր նախագահ Արայիկ Հարությունյանը:
Հարությունյանը միևնույն ժամանակ հայտարարեց, որ երբեք ՀՀ արդարադատության գործունեությունը կասկածանքի տակ չեն դրել. «Հայաստանում արդարադատական համակարգ կա, հարցը նրանց որոշելիքն է, ես չեմ ուզում գնահատական տալ»:
Արդյո՞ք Արցախում սպասվում են սահմանադրական փոփոխություններ, Հարությունյանը չի կարող պատասխանել, քանի որ այդ մասին չի մտածել, պատրաստ չէ որևէ բան ասել:
Հարությունյանը նաև հայտարարեց, որ պատրաստ են համագործակցել բոլոր ուժերի հետ՝ ի շահ Արցախի Հանրապետության, սակայն մինչ այս պահը որևէ մեկի հետ որևէ պայմանավորվածություն չկա:
analitik.am