Առաջիկայում մենք ունենք կարևոր հիշատակի օրեր և տոներ: Եթե էմոցիոնալ գտնվենք, կարող ենք աղետներ բերել մեր գլխին, գրում է analitik.am-ը:
Փաշինյանը մասնավորապես խոսեց ապրիլի 24-ի մասին. «Ես չեմ կարծում՝ եթե այդ օրը մեր էմոցիոնալ պահվածքի արդյունքում հարյուրավոր մարդիկ մահանան, դրանով ցեղասպանության մեր նահատակների հոգիներն ավելի հանգիստ կլինեն: Ես կարծում եմ, որ պետք է լինել ճշգրիտ, կարգապահ: Մենք պետք է լուրջ վերաբերվենք հարցին»:
Վարչապետը միևնույն ժամանակ, նշեց, որ հնաավոր չէ ամբողջությամբ փակվել, պետք է ապրել կորոնավիրուսի պայմաններում, սակայն դա պետք է անել առանձնահատուկ պատասխանատվությամբ. «Մենք հիմա ամսի 20-ից թույլ ենք տալու տեքստիլ գործարանների աշխատանքը: Սակայն, եթե նրանք պատասխանատու վարք չցուցաբերեն, այս որոշումը բերելու է աղետալի իրավիճակի:
Մենք պատարստ ենք մեր պատասխանատվության բաժինը կրել, այդ ձեռնարկությունները կլինեն հատուկ հսկողության տակ, պետական մարմինները կստուգեն, թե ինչպես են այնտեղ պահպանվում անհրաժեշտ կանոնները:
Մենք ունենք ձեռնարկություններ, որտեղ աշխատողները, իմանալով, որ ջերմություն ունեն, չեն գնացել աշխատանքի ու դեպքը հաստատվել է: Սա թույլ է տվել, որ վարակը չտարածվի տվյալ գործարանում: Պետք է օգտագործել այդ հաջող փորձը»: