ԱՄՆ Վիսկոնսին նահանգի ֆերմաներից մեկում երկգլխանի ուլ է ծնվել, հայտնում է Daily Mail-ը՝ մանրամասնելով, որ կենդանու մայրը շատ դժվարություններ է ունեցել ծննդաբերելու ժամանակ:
Ֆերմեր Ջոսելին Նյուսքն արտասովոր կենդանուն անվանել է Յանուս՝ ի պատիվ հին հռոմեական աստծո, որին միշտ երկու գլխով են պատկերում:
Անասնաբույժի մոտ զննում անցնելուց հետո հայտնի է դարձել, որ կենդանին միանգամայն առողջ է ու ողջ մնալու մեծ շանսեր ունի:
Աղբյուրը մանրամասնում է, որ ուլը սնվում է հավասարապես երկու բերանով:
«Մենք վեց տարի այծերի ենք բուծում ու տարեկան մոտ յոթ հարյուր ուլի ծնունդ ենք տեսնում, սակայն սա առաջին դեպքն է, երբ երգլխանի ուլ է ծնվում: Ամեն ինչ կանենք, որպեսզի Յանուսը հնարավորինս երկար առողջ և առույգ մնա»,-ասել է ֆերմերը:
