Ազգային ժողովում այսօր շարունակում են քառօրյա նիստերը. ընդհանուր օրակարգում 29 հարց է, այդ թվում՝ ԿԲ նախագահի ընտրությունը:
Հիշեցնենք, որ երեկ տեղի ունեցան ԿԲ նախագահի թեկնածուի ընտրության քննարկումները: Ընտրությունը տեղի կունենա այսօր: ԿԲ նախագահի պաշտոնում «Իմ քայլը» խմբակցությունն առաջադրել է ԿԲ խորհրդի անդամ Մարտին Գալստյանի թեկնածությունը, որը ԱԺ նախկին նախագահ Բաբկեն Արարքցյանի փեսան է: ԿԲ նախագահ Արթուր Ջավադյանի պաշտոնավարման 2-րդ ժամկետը լրանում է հունիսի 1-ին:
ԱԺ նախագահ Արարատ Միրզոյանը տեղեկացրեց, որ ԱԺ նիստերին զուգահեռ ժամը 10.30-ից մեկնարկում է ԿԲ նախագահի քվեարկությունը, որը կտեւի 2 ժամ: «Ես առաջարկում եմ այս երկու ժամվա ընթացքում գնալ քվեարկել, վերադառնալ, որ ամբողջը չկենտրոնանա ընդմիջման 30 րոպեի վրա եւ կորոնավիրուսի վարակման տարածման հավանականությունը մեր շրջանում քչանա»,-ասաաց նա: