Մարալիկ քաղաքի հիվանդանոցի բուժանձնակազմի կորոնավիրուսով վարակվածների թիվը կարող է մեծանալ: Այս մասին NEWS.am-ին հայտնել է Մարալիկի քաղաքապետ Արտակ Գևորգյանը:
Նա նշել է, որ այս պահին կա 10 հաստատված դեպք, նմուշառում է վերցվել ևս 60 հոգուց, դեռևս ոչ պաշտոնական տվյալներով ևս 8 հոգու թեստի պատասխանը դրական է եղել:
«Բուժանձնակազմի հետ շփված անձինք մեկուսացված են, ընդանուր առմամբ քաղաքում ավելի խիստ միջոցներ են կիրառվում, դրսում գրեթե մարդիկ չկան, դեզինֆեկցիա են արվում փողոցներն ու շենքերի մուտքերը: Կոչ եմ անում մեր քաղաքացիներին դուրս չգալ և օգնել մեզ դուրս գալ այս վիճակից»,- ասել է նա:
Քաղաքապետի խոսքով` իրավիճակը նաև բարդ է այն առումով, որ վարակման աղբյուրը պարզ չէ. «Վարակը առաջին վարակված քաղաքացուց չի տարածվել»: