Լավրովը մեկ նախադասությամբ հակադրվել է հայկական 4 անկյունաքարային պնդումներին: Այս մասին իր ֆեյսբուքյան էջում գրել է քաղաքագետ Սուրեն Սարգսյանը:
Նա նշել է. ՛՛Մեր պնդումները.
1. Բանակցություն չկա` քննարկում, կոնսուլտացիաներ են:
2. Փաստաթուղթ չկա սեղանին դրված:
3. Ժողովրդից որևէ գաղտնի բան չի կարող բանակցվել:
4. Փուլային տարբերակ չկա՛՛:
Լավրովի հայտարարությունը. «Ներկայում Ղարաբաղյան հակամարտության կարգավորման շուրջ բանակցությունների սեղանին գտնվում է փաստաթուղթ, որը փուլային կարգավորում է ենթադրում»:
Նշենք, որ Լավրովը նման հայտարարությամբ հանդես է եկել երեկ, ինչին ի պատասխան՝ ՀՀ արտաքին գործերի նախարարը նշել է, որ խորապես սխալվում է նա, ով ենթադրում է, թե բանակցությունների ընթացքում մի բան են խոսում, իսկ ժողովրդին մեկ այլ բան ներկայացնում։ Նախարարը հավաստիացրել է, որ չի կարող նման բան լինել:
Նախարարի պնդմամբ՝ հայկական կողմերի համար առաջնայինը բանակցային գործընթացում անվտանգության բաղադրիչն է։ Ինչ վերաբերում է տարածքներին, դրանք, ըստ Մնացականյանի, անվտանգության գոտի են ու պաշտպանական գծեր։ Հետևաբար հայկական կողմերի համար դրանք վերանայման ենթակա չեն: