Այո, վատ իմաստով ռեկորդային թիվ ենք ունեցել՝ 134 նոր դեպք: Ընդհանուր թիվը հասել է 2066-ի, բուժվածներինը՝ 929: Այս մասին կառավարության այսօրվա նիստում հայտարարեց ՀՀ Առողջապահության Արսեն Թորոսյանը՝ հավելելով, որ ունեցել ենք 2 մահվան դեպք:
Նրա խոսքով, այս պահին փաստացի բժշկական հսկողության տակ գտնվողների թիվը 1103 է:
Արսեն Թորոսյանը նշեց, որ արհեստական շնչառական սարքերի վրա ունենք 6 քաղաքացի, ծայրահեղ ծանր վիճակում՝ 17 քաղաքացի, ծանր՝ 59. «Իրադարձությունների այսպիսի զարգացման դեպքում մենք հավանաբար կանցնենք ասիմպտոմ դեպքերում չհոսպիտալացնելու ռազմավարությանը:
Մեր մոտեցումն այնպիսին է, որ այդ օրն առավելագույնը ձգել, քանի որ դա բերելու է հետագա տարածման: Ենթադրում եմ, որ 5-6 օր կարող ենք ձգել, չնայած այս նոր դեպքերի մեջ եղել են իրար հետ փոխկապակցված անձինք:
Դա մտահոգիչ է այն առումով, որ մի դեպք ունենք, որից միշտ փորձել ենք խուսափել: Խոսքը հուղարկավորությանը վարակված անձի մասնակցությունն է, ինչի արդյունքում այլ քաղաքացիներ են վարակվել: Դրա համար կոչ ենք անում փոքր թվով մարդկանց մասնակցել հուղարկավորությանը»։