Հիմա դու լույսի մա՞րդ ես, թե՞ վարչապետ։ Այս մասին այսօր՝ մայիսի 5-ին, լրագրողների հետ հանդիպման ժամանակ ասաց ԱԺ նախկին պատգամավոր Վահան Բաբայանը՝ անդրադառնալով մարդկանց կոմունալներ չվճարելուն եւ վարչապետի այդ ուղղությմաբ իրականացրած գործունեությանը։
«Լեւոն Տեր–Պետրոսյանի «բարի» խորհուրդներից է, որ օգտվում է, ինքն ավելի մոդերնիզացված տարբերակ առաջարկեց, որ հարեւանները մուծեն այդ 7500 դրամը եւ ինքն ամառանոցներում նստած, օգտվելով պետական բյուջեի տարբեր արտոնություններից եւ ֆինանսական ռեսուրսներից, շատ հեշտորեն նստած բազմոցի վրա դատողություններ է անում չունեւոր մարդկանց մասին։ դատողություններ է անում այն մարդկանց մասին ում համար 1000 դրամը եղանակ է փոխում եւ ինքն այսօր այն տոնով է խոսում, բոլորը փող ունեն, թաքցնում են ու գնում փող են ուզում։ Փաշինյանը միթե՞ չի հասկանում, թե ժողովուրդն ինչ վիճակում է ապրում։ Հրապարակնեևրում հեղափոխական կոչերն ու քաղաքականությունն ինքն ինչքան շուտ մոռացավ, ինչքա՞ն շուտ դարձավ օլիգարխ։ Զանգահարել է, մարդն ասում է, գիտեք՝ ամուսինս հիվանդ է, սկեսրայրս հիվանդ է, մի տեղ հավաքարար եմ աշխատում, չեմ կարողանում. ասում է է հա, բայց հունվար ամսին դուք 10 հազար եւ այլն, այ քեզ բան, հիմա դու լույսի մա՞րդ ես, թե՞ վարչապետ։ Հանրապետությունը վե՞րջ, վերջացա՞վ, ֆեյքապետություն է մնալո՞ւ, այսինքն եթե ինչ- որ մարդ այս երկրում ունենա 10 հազար ֆեյք, ինքը կունենա նաեւ հեղինակությո՞ւն»,– ասաց Բաբայանը։
Նախկին պատգամավորն անդրադարձավ նաեւ Վատիկանում Հայաստանի նախկին դեսպան, Սերժ Սարգսյանի փեսա Միքայել Մինասյանի հայտարարությանը. «Միքայել Մինասյանը բացահայտ, լրջագույն մեղադրանք ներկայացրեց, որ Արթուր Վանեցյանի միջոցով փող են ուզեցել վերցնել իրենից։ Ստացվում է այդ մարդիկ ճի՞շտ են ասում, եթդե ճիշտ են ասում ինչի՞ հետ մենք գործ ունենք, իսկ եթե սուտ են ասում, վեր կացեք հերքեք։ Ստացվում է, որ նման լրջագույն մեղադրանքներ ներկայացնելուց հետո, երբ Նիկոլը մի անիմաստ թեմայի շուրջ լայվ է մտնում, անպայման կարծիքներ է հայտնում, սա ի՞նչ մի բան է, որ ինքը խուսափում է, եթե խուսափում է ուրեմն իրականում գոյություն ունեն խնդիրներ, որը չգիտի ժողովուրդը եւ պետք է այդ բացահայտումներն արվեն եւ իրենք էլ պետք է պատասխանատվությունը վերցնեն իրենց վրա, բացահայտեն լիարժեք, թե ինչ է եղել»։
Բաբայանի խոսքով՝ շատ կարեւոր է, որ այս հարցը ԱԺ–ում բարձրացվի. «Այս հարցը պետք է կոմպլեքս ձեւով կամ թեկուզ անհատապես ներկայացվի, բայց պետք է ներկայացվի։ Նաեւ կապված հայ–ռուսական հարաբերությունների հետ, երբ Մնացականյանն ասում է, մենք ունենք խնդիրներ, հարց է առաջանում, մեր դաշնակից պետության հետ, ո՞ր խնդիրներն են, ի՞նչ մասով են, ի՞նչ մասշտաբով են եւ ո՞վ է մեղավոր այդ խնդիրների պատճառների առաջացմանը։ Իշխանությունը չկարողանալով պատասխանել այս հարցերին բացում է իր դիմակը։ Սա ո՞րերոդ անգամն է, որ Փաշինյանը խուսափում է լրագրողների հարցերին պատասխանելուց»։