Նախիջևանում ծառայող սպաների Էլվին Ջահանգիրովը մայիսի 1-ին սոցցանցերի միջոցով բաց նամակով դիմել էր գեներալ Քերեմ Մուսթաֆաևին, որտեղ պատմում էր զորամասում տիրող սարսափելի համավարակային իրավիճակի մասին։ Զորամասում բացակայում են տարրական սանիտարական նորմեր, հրամանատարական կազմն անտարբեր է, որի լուռ համաձայնությամբ էլ անկարգություն է տիրում։
Զինծառայողները զորամասերում տարվող հակահամաճարակային միջոցառումներին թերահավատությամբ են մոտենում՝ իմանալով Նախիջևանում և երկրում տիրող վարակման դեպքերի մասին։
Այժմ զինվորականները միակարծիք են, որ կարանտինային միջոցառումները ԶՈԻ-ում կրում են ֆորմալ բնույթ, քանզի վարակված և մահացած զինվորների և սպաների թիվն անընդհատ աճում է, ինչի մասին լռում է հրամանատարությունը։ Շատերը, վախենալով քրեական պատասխանատվությունից ինֆորմացիայի տարածման համար, չեն կարողանում բարձրաձայնել խնդիրը։
