Ազգային ժողովում, այսօր՝ մայիսի 6-ին, «Լուսավոր Հայաստան» խմբակցության պատգամավոր Կարեն Սիմոնյանը հարց ուղղեց վարչապետ Նիկոլ Փաշինյանին, թե ինչով է պայմանավորված հանցագրծությունների թվի աճը։
Վարչապետի խոսքով՝ սա այն դեպքերից է, երն կառավարության ստեղծած հնարավորությունը ոմանց կողմից չարաշահվում է. «Դուք գիտեք, որ 2019 թվականի հանցագործությունների էֆեկտիվ բացահայտման համար պարգեւատրամն համակարգ ներդրեցինք ոստիկանության համար եւ վերջերս մի դեպք պարզվեց, երբ ոստիկանության բաժնի պետը եւ անձնակազմի որոշ ներկայացուցիչներ, թաղի հըանցագործների հետ պայմանավորվում են, որ նրանք գնան գողություն անեն, իրենք գան այդ գողութունը բացահայտեն եւ դրա համար պարգեւավճար ստանան։ Ո՞ւմ մտքով կանցներ նման բան»։
Փաշինյանը ներկայացրեց նաեւ այլ խնդիրներ, որոնք կարող են հիմա հանդիսանալ հանցագործությունների թվի աճի հետ։
«ՀՀ–ն երկար տարիներ կալանավորված անձանց թվով եղել է շատ մտահոգիչ տեղերում, այսօր ՀՀ–ն կալանավորված անձանց թվով՝ վերջին ցուցանիշներով արդեն համապատասխանում է եվրոպական, եթե ոչ լավագույն, ապա ամենացածր նշաձողին։ սա ինչ որ առումով հաջողություն է, բայց ինչ որ առումով նաեւ բերում է ձեր ասած ռիսկերին։ Մենք յասօր ունենք գողության համար, որպես մեղադրյալ ներգրավված անձինք, ովքեր դատարանի կողմից կալանքից ազատ են արձակվում՝ խափանման միջոց է ընտրվում ստորագրություն չհեռանալու մասին, իրենք նախաքննության ընթացքում նոր գողություն են անում։ Կա նաեւ 3–րդը, այստեղ մի քիչ ձեր բոստանն էլ քար գցեմ։ 2018 թվականի հեղափոխությունից հետո, հեղափոխական կառավարության նկատմամբ, այդ թվում ձեր կուսակցության կողմից քաղաքական ճնշում էր գործադրվում համաներման հետ կապված, դա նաեւ դրա արդյունքներից մեկն է, որովհետեւ ես էլ եմ բանտից համաներումով դուրս եկել, բայց ընդհանուր առմամբ համաներումը համարում եմ շատ վատ գործիք, որովհետեւ գործնականում համաներման ազատ արձակվածների 60–70 տոկոսն առաջիկա 1–2 տարվա ընթացքում բռնվում է նոր հանցանք կատարելու մեջ»,– ասաց Փաշինյանը։
Նրա խոսքով՝ մեկ կարեւոր քայլ իրենք արդեն արել են եւ դա հանցավոր ենթամշակույթի դեմ պայքարի օրենսդրությունն է. «Ես չգիտեմ հանրության շրջանում ինչ պատկերացումներ կան օրենքով գողերի մասին, բայց այդ մարդկանց աշխատանքը հանցագործություններ կազմակերպելն է։ Օրինակ՝ ստանալ ինֆորմացիա, որ այս ինչ տանը կա լավ բան եւ կարելի է գողանալ, ինֆորմացիան փոխանցել պոտենցիալ հանցագործին, նրան ուղարկել գողության, նրան տալ իր փայ բաժինը, վերցնել սեփական բաժինը եւ ինֆորմացիա բերողին տալ իր փայ բաժինը։ Նոր քրեական դատավարության օրենսգրքով՝ կալանքի փոխարեն ներդնելու ենք էլեկտրոնային բրասլետի համակարգը, որը խափանման միջոցի տակ գտնվող մարդու հետագիծը թույլ է տալու…»։