Analitik.am-ի տեղեկություններով, օրերս արտառոց դեպք է տեղի ունեցել «Էրեբունի» ԲԿ-ում: Հիվանդանոցում մահացել է տարիքով մեծ պացիենտ, ում հետո տեղափոխել են Աբովյան քաղաք հուղարկավորելու:
Հաջորդ օրը ստացվել են արդեն պացիենտի անալիզների արդյունքները, և պարզվել է, որ նա վարակված է կորոնավիրուսով: Արդեն թաղման օրը մոտիկ-հարազատները եկել են մասնակցելու հրաժեշտի արարողությանը, սակայն մահացածի տան դռները փակ են եղել:
Պարզվել է, որ անալիզների արդյունքներից հետո մահացածին ցինկե դագաղով հապշտապ թաղել են, սակայն՝ ոչ հարազատները: Նրանց արգելել են մասնակցել արարողությանը:
Ի դեպ, հարազատները նշել են, թե մինչև իմանալը, որ իրենց ննջեցյալը վարակված է կորոնավիրուսով, հրաժեշտ են տվել վերջինիս: Հանգուցյալի հարազատները մեկուսացված են: