Երեկ նոր բացահայտում եմ արել։ Պարզվեց, որ իմ ծանոթների շրջանում աղանդավորների թիվը վերջին 3-4 ամիսների ընթացքում չափազանց մեծացել է։ Ամբողջ ընտանիքներ, որ շատ սովորական ու հանգիստ կյանքով էին ապրում, նեղության կամ, Աստված ոչ արասցե, դժբախտության մեջ չէին, ընկել են աղանդավորների ճիրանները ու հիմա իրենք են արդեն դարձել պոտենցիալ վտանգ հարևանների ու հարազատների համար։ Չեմ չափազանցնում՝ ամենաանսպասելի մարդկանց մասին եմ իմացել, որ «քույրիկ-եղբայրներ» են դարձել։
Հետևություն՝ աղանդավորները նոր թափով են սկսել աշխատել Հայաստանում։ Հասարակությունն էլ ավելի անպաշտպան է դարձել այդ աղետից։ Սա ողբերգություն է։ Ես չգիտեմ այս ամենի վերջն ի՞նչ է լինելու։