Պարետատան նիստից հետո տեղի ունեցած ճեպազրույցի ժամանակ ՀՀ առողջապահության նախարար Արսեն Թորոսյանը հայտարարեց, որ այս պահի դրությամբ ունենք ծանր վիճակում գտնվող 316 քաղաքացի, ծայրահեղ ծանր վիճակում գտնվող 53 քաղաքացի և թոքերի արհեստական օդափոխության սարքերին միացված 17 քաղաքացի:
Նա ասաց նաև, որ շարունակվում է ավելացվել մահճակալների քանակը և մոտակա 1-1,5 ամսվա ընթացքում ինտենսիվ թերապիայի ևս 100 մահճակալ կավելացվի։
«Մենք երեկ ռեկորդային վատ ցուցանիշ ենք ունեցել՝ 15 մահ: Բժիշկները 24-ժամյա պայքար են մղում, սակայն ոչ միշտ է հնարավոր լինում կյանքեր փրկել: Չկա որևէ երաշխիք, որ նույնիսկ 100 տոկոս երիտասարդ ու առողջ քաղաքացին դուրս կգա դրական ելքով»:
Դուք գիտեք, որ վերջին օրերին ասիմպտոմ դեպքերը բուժում ենք պոլիկլինիկական համակարգում, սակայն դա լինելով նոր մի գործառույթ նրանց համար, որոշակի լարվածություն է առացացրել մեր քաղաքացիների եւ առողջության առաջնային պահպանման օղակի միջեւ: Ուզում եմ կոչ անել, որ հայտնաբերված թերությունները, բողքները հրատապ փոխանցվեն նախարարության թեժ գիծ՝ 8003 համարին, որ կարողանանք արագ արձագանքելն»,-ասաց նախարարը: