Դիակի վրա տարբեր վնասվածքներ են եղել, բայց նախնական վարկածի համաձայն՝ 66-ամյա տղամարդը խեղդվել է։
Ռուսաստանի մայրաքաղաք Մոսկվայի կենտրոնում Հայաստանի 66-ամյա քաղաքացու դի է հայտնաբերվել։ Տեղեկությունը հայտնում է «Մոսկվա» գործակալությունը ՝ վկայակոչելով իրավապահ մարմինների իր աղբյուրին:
Ըստ գործակալության՝ դիակը հայտնաբերել են մայիսի 28-ին Շմիտովյան նրբանցքի ցանկապատից կախված։
«Մարմնին վնասվածքներ կան` կտրած վերք աջ նախաբազկին, ներարկման հետքեր, ծակած-կտրած վերքեր որովայնի հատվածում։ Նախնական տվյալներով ՝ մահվան պատճառ է դարձել խեղդվելը», – ասել է աղբյուրը։
Տղամարդու մոտ բանկային քարտեր և անցագիր է եղել։ Դիակը տեղափոխել են դիահերձարան, քննիչները պարզում են կատարվածի մանրամասները։