Առողջապահական համակարգը մեր առաջ ամեն օր խնդիր է դնում գնալ համընդհանուր սահմանափակումների: Այս մասին, այսօր՝ հունիսի 2-ին, պարետատան նիստից հետո կայացած ճեպազրույցի ժամանակ նշեց ՀՀ վարչապետ Նիկոլ Փաշինյանը:
«Բայց խնդիրն այն է, որ մենք այդ սահմանափակումների շրջանը տեսել ենք, տեսել ենք, որ դա բերում է շատ լուրջ, գրեթե աղետալի տնտեսական, սոցիալական հետեւանքների: Մենք ըստ էության 100 մլրդ դրամի տնտեսական եւ սոցիալական աջակցության հնարավորություններ ենք ստեղծել նախորդ շրջանում, բայց նաեւ պետք է հասկանանք, որ պետության հնարավորություններն անսահմանափակ չենք: Մենք կարող ենք նորից փակվելու արդյունքում հայտնվել այնպիսի տնտեսական իրավիճակի առաջ, որ երկար տարիներ չկարողանանք հաղթահարել: Սա իսկապես օրհասական պահ է»,-ասաց նա:
Մեր երկրում իրավիճակը ահագնացող է,ասաց ՀՀ վարչապետ Նիկոլ Փաշինյանը՝ պարզաբանելով, թե ինչու է այս ամենը մեզ հետ տեղի ունենում:«Հիմնական պրոբլեմը հակահամաճարակային կանոնների պահպանման և այդ պահպանման որակի մեջ է: Մենք ունենք համոզվածություն,որ կանոնների պահպանման դեպքում այն կբերի հիվանդությունների թվի նվազման, ընդհուպ՝ զրոյացման»,- ասաց վարչապետը:
Իրավիճակի քաղաքական հատվածից խոսելիս, Փաշինյանը նշեց, որ 2018 թվականի հեղափոխությունից հետո վախի մթնոլորտը մեր երկրում չեզոքացել է, սակայն փոխարենը օրինապահության մթնոլորտը դեռ պատշաճ մակարդակի չի հասել:
«Արդյունքում ՝ գործ ունենք կանոների խախտման և կոշտության հետ: Օրինակ՝ առևտրի վայրում, երբ կանոների խախտում է արձանագրվում և որոշում է կայացվում այդ վայրը փակել,հաջորդ պահին գալիս են փաստարկներ, որ մթերքը կփչանա և տնտեսական վնասներ կկրեն: Ըստ էության, մենք գործ ունենք կանոների պաշտպանության հետ կապված վարչարարության կոշտության պակասի հետ»,-հայտարարեց վարչապետը:
«Եթե որևէ մեկը սննդամթերք է վաճառում նախապես պետք է մտածի, որ վաճառքը կազմակերպվի պարետատան կանոներին համապատասխան»,- ասաց Նիկոլ Փաշինյանն ու առաջարկեց. «Կամ կանոները չպահպանելով գնում ենք համատարած արգելափակումների՝ երկիրը ենթարկելով նոր տնտեսական ցնցումների, կամ միմյանց հետ համագործակցելով հսկողության տակ ենք պահում իրավիճակը և շատ արագ արձանագրում արդյունքներ: Հսկողությունը պետք է կատարվի ամենախիստ և չոր ձևով՝ հաշվի չառնելով սենտիմենտալությունը, զգացմունքայնությունը: Եվ սա է եղել իրավապահ մարմիններին իմ հրահանգըը, որի չիրականացումը կամ անորակ իրականացումը բերելու է բերելու է հետևանքների»:
Վարչապետը նաև տեղեկացրեց, որ այս ամենի համար ունենք երկու-երեք օր:
