«Հայրենիք» կուսակցության նախագահ Արթուր Վանեցյանը թվիթերի իր միկրոբոլոգում գրել է.
«Սահմանադրական դատարան դիմելու ժամկետի մասով Էդմոն Մարուքյանի նախապայմանն այլևս վերացված է: Նա դեռ շանս ունի ապացուցելու՝ իշխանության գրպանում է, թե պետության թիկունքին»։
Հիշեցնենք, որ ՍԴ-ն Ռոբերտ Քոչարյանի դիմումների դատաքննությունը է նշանակել հուլիսի 7-ին։
ԱԺ «Լուսավոր Հայաստան» խմբակցության ղեկավար Էդմոն Մարուքյանը հայտարարել էր, որ ԲՀԿ-ի ՍԴ դիմելու նախաձեռնությանը կմիանա ՀՀ երկրորդ նախագահ Ռոբերտ Քոչարյանի գործով ՍԴ նիստը տեղի ունենալուց հետո։ Քիչ առաջ Ռոբերտ Քոչարյանի փաստաբանները հայտարարեցին, որ հետ են վերցնում մոտ մեկ տարի առաջ ՍԴ ներկայացրած դիմումները։