«Այո՛, ասում ենք, որ ՀՀ-ում կուսակցությունները, լրատվամիջոցվները, ՀԿ-ները պետք է լինեն 100 տոկոսով թափանցիկ, որ ձեր ասած նախկին նախագահները իրենց փողերով չբերեն, ֆինանսավորեն ֆեյքերի դասակները, ջոկատները ՀՀ-ի ժողովրդի դեմ հիբրիդային պատերազմ մղելու համար»,- ԱԺ-ում Էդմոն Մարուքյանի քննադատությանը պատասխանեց վարչապետ Նիկոլ Փաշինյանը:
Հիշեցնենք, որ խորհրդարանում քննարկվում է 2019թ. բյուջեի կատարողականը:
«Չհասկացա` ինչո՞ւ պիտի կառավարությունը լինի 100 տոկոս թափանցիկ, մյուսները չլինեն, որտե՞ղ է գրած, ամբիոնից ֆեյքերի մասին խոսում են մարդիկ, ովքեր 3500 ֆեյք ունեն տիրապետության տակ, որը ղեկավարվում է ԱԺ պատգամավորի կողմից, ժողովրդարվարությունը մեզնի՞ց եք պաշտպանում, ո՛չ, մենք պետք է պաշտպանենք ոմանցից:
Ժողովրդավորությունը պատգամավորների ղազագիր գրել տվող կուսակցությունների հույսին չի կարող մնալ, էդ ասում եք «քաղաքական հետապնդում». տեսել ենք 30 տարի, որտե՞ղ եք տեսել, որ քաղաքական հետապնդման զոհին դատարանը հրաժարվի կալանք տալ, բա մեզ ինչո՞ւ չէին հրաժարվում, բա ասեին`չէ, չենք կալանավորում, վզները կոլորեին, հինգ րոպե, սեղանի տակից դուրս չէին գա, առավոտից իրիկուն ճամարտակում եք հակակշիռների ու փոխզսպումների մասին, դա չորսակնանի հեծանի՞վ է, թե՞ տրակտոր:
Պետք է հասկանանք՝ դատավորներն ովքեր են, ապօրինի ազղեցություններից հրաժարվում ենք դատական համակարգերի նկատմամբ, բայց դա նշանակում է, որ հին ազդեցության համակարգերը պիտի շարունակեն գործե՞լ, թող դրսևորվեն և ցույց տանք՝ ով ով է: Ասելու են` ինչո՞ւ մինչև հիմա դատավորների հարցը լուծված չէ, որովհետև չենք ուզում խամաճիկային հին համակարգը փոխարինել խամաճիկային նոր դատարանով: Էն դատավորը, որ առանց հին կոռուպցիոն կապերի ու հին կոռուպցիոն նոստալգիայի կկայացնի որոշում, էդ դատավորը մեր գլխի վրա տեղ ունի, ամեն ինչ անելու ենք նրան պաշտպանելու համար ու ամեն ինչ անելու ենք էն մյուսներին դուրս շպրտելու համար, և ոչ մի բան մեզ չի կանգնեցնելու»,- հայտարարեց Փաշինյանը: