Գիշերը կրկին ադրբեջանական կողմը փորձեց դիվերսիոն ներխուժում անել և կրկին անգամ գնդակոծությունների ենթարկեց հայկական գյուղերը, սա ցույց է տալիս, որ մենք պետք է հստակ ֆիքսենք, որ ադրբեջանական կողմը պատրաստ չի եղել և պատրաստ չէ կառուցողական երկխոսության: Այս մասին Աժ-ում նշեց «Բարգավաճ Հայաստան» խմբակցության պատգամավոր Արման Աբովյանը:
«Քանի որ Ադրբեջանը Թուրքիայի ենթական է, Թուրքիան էլ ունի դեստրուկտիվ էլեմենտներ, և Թուրքիային ու Ադրբեջանին ձեռք չի տալիս աշխարհաքաղքական ստաբիլ զարգացումը: Դրա համար կարևոր է, որ այսօր մեզ համար ֆիքսենք՝ իրենք չեն գնալու տարածաշրջանում ոչ մի կառուցողական որոշման, կառուցողական կեցվածքի»,- նշեց նա:
Արման Աբովյանը քաղաքացիներին հորդորեց չտարածել դեզինֆորմացիա, որ տեղադրվում է սոցիալական ցանցերում և օգտվել միայն պաշտոնական տեղեկությունից: