«Փաստ» թերթը գրում է. «Համավարակով պայմանավորված՝ ՀՀ տարածքում արտակարգ դրությունը շարունակվում է արդեն չորս ամիս, և բնական է, որ դա հանրության շրջանում լուրջ դժգոհություն է առաջացրել, հատկապես դիմակների պարտադիր կրման մասով։ Օգոստոսի 12-ին լրանում է արտակարգ դրության հերթական ժամկետը։
«Փաստ» թերթի խորհրդարանական աղբյուրը փոխանցել է, սակայն, որ իշխանության թիմում քիչ չեն նրանք, որոնք կողմնակից են արտակարգ դրությունը օգոստոսին հերթական անգամ երկարացնելուն: Սակայն այս պահի դրությամբ հիմնական մոտեցումն այն է, որ մինչև օգոստոսի 12-ը հասցնեն օրենսդրական այնպիսի փոփոխություններ անել, որ կարողանան առանց արտակարգ դրության երկարացման ունենալ համապատասխան լծակներ համավարակի դեմ պայքարի և պարտադրող մեխանիզմների համար, ինչի մասին, ի դեպ, որոշ ժամանակ առաջ նշել էր նաև վարչապետը:
Առավել մանրամասն՝ թերթի այսօրվա համարում: