Բելառուսի նախագահի թեկնածու Սվետլանա Տիխանովսկայան հանդես է եկել նոր տեսաուղերձով:
Նա հայտարարել է, որ այն ընտրատեղամասերում, որտեղ հանձնաժողովներն ազնվորեն հաշվել են ձայները, իր օգտին տրված քվեները կազմել են 60-70%, իսկ Նովայա Բորովայայում` մինչև 90%:
Սվետլանա Տիխանովսկայան շնորհակալություն է հայտնել իր օգտին քվեարկած քաղաքացիներին:
«Բելառուսներն այլեւս չեն ցանկանում ապրել գործող իշխանությունների օրոք, եւ Լուկաշենկոյի հաղթանակին մեծ մասը չի հավատում: Իրավիճակը երկրում ծայրահեղ ծանր է: Ես ցավով եմ նայում այն իրադարձություններին, որ տեղի է ունենում մեր երկրում:
Մեզ համար ամենակարեւորը մարդկային կյանքերն են: Պետք է դադարեցնել բռնությունը Բելառուսի քաղաքների փողոցներում: Ես կոչ եմ անում իշխանություններին՝ դադարեցնել այդ ամենը եւ գնալ երկխոսության»,-ասել է նախագահի թեկնածուն: