Ընդդիմադիր գործիչ Ալեքսեյ Նավալնիի վիճակի վերաբերյալ ռուս և գերմանացի բժիշկների վերլուծությունը նույնն է, ասել է ՌԴ նախագահի մամուլի քարտուղար Դմիտրի Պեսկովը:
Նրա խոսքերով՝ ցածր խոլինեսթերազի փաստը հաստատվել էր ռուս բժիշկների կողմից առաջին ժամերին Օմսկի հիվանդանոցներից մեկում, իսկ ատրոպինը, որն այժմ քննարկվում և օգտագործվում է գերմանացի մասնագետների կողմից, սկսել են կիրառել հիվանդի՝ վերակենդանացման բաժանմունքում գտնվելու առաջին ժամվա ընթացքում: Բայց խոլինեսթերազի մակարդակի իջեցման պատճառը դեռ չի հստակեցվել, թեստերը ցույց չեն տալիս հատուկ նյութ:
«Այսպիսով, դուք, հավանաբար, ինքներդ կկարողանաք հստակորեն տեսնել, որ մեր և գերմանացի բժիշկների մոտ բժշկական վերլուծությունները բացարձակապես համընկնում են, բայց եզրակացությունները տարբեր են»,- ասել է Պեսկովը: