ԱԳՆ խոսնակ Աննա Նաղդալյանն այսօրվա ճեպազրույցում անդրադարձավ Վերին Լարսի անցակետում կուտակված ՀՀ քաղաքացիներին, ովքեր ցանկանում են ցամաքային ճանապարհով գալ Հայաստան։
«Մենք բազմիցս ենք ասել, որ Ռուսասանում գտնվող ՀՀ քաղաքացիները չեն կարող Հայաստան վերադառնալ ցամաքային ճանապարհով, քանի որ Վրաստանում դեռևս շարունակվում է ուժի մեջ մնալ օտարերկրացիների մուտքը արգելող որոշումը։ Եվ այդ առումով մեր քաղաքացիներին պարզապես հորոդորում ենք օգտվել կանոնանվոր իրականացվող չվերթներից, հատկապես Ռուսաստանի հարավային շրջանների մի քանի քաղաքներից, որտեղից շաբաթական մի քանի անգամ իրականացվում են թռիչքներ»,- ասաց նա։
Նաղդալյանը նշեց, որ ՀՀ քաղաքացիները կարող են գալ օդային ճանապարհով, իսկ իրենց մեքենաների տեղափոխումը կազմակերպել հատուկ ծառայությունների միջոցով։ Նա հավելեց, որ հայկական կողմը տեղեկություն չունի, թե երբ հնարավոր կլինի ցամաքային ճանապարհով Ռուսաստանից վերադառնալ Հայաստան։