Այդ հարցով պետք է դիմել պարետատանը, պարետին: Այս մասին Ռուսաստան մեկնել ցանկացող քաղաքացիների հետ զրույցում հայտարարեց Սփյուռքի հարցերով գլխավոր հանձնակատար Զարեհ Սինանյանը:
Նշենք, որ այսօր, ինչպես վերջին շաբաթների ընթացքում ամեն հինգշաբթի, քաղաքացիները հավաքվել էին կառավարության մոտ և պահանջում էին օգնել իրենց վերադառնալ Ռուսաստան, միանալ իրենց ընտանիքներին:
Քաղաքացիներից մեկի խնդրանքին, որ Սինանյանը կարող է զանգահարել ու տեղյակ պահել պարետատանը իրենց մասին, վերջինս ասել է, թե այնտեղ գիտեն, որ քաղաքացիները հավաքվել են:
Հարցին՝ չունի արդյո՞ք ինքը որևէ գործառույթ, Սինանյանը նշել է, որ բանակցությունները վարում է պարետատունը, հարցը պետք է քննարկել պարետատան, ԱԳՆ-ի հետ, իսկ իրենք միայն սփյուռքի հարցերով են զբաղվում, իրենք սահման բացելու գործառույթ չունեն, ոչ էլ կարող են այնպես անել, որ Ռուսաստանը բացի սահմանները: