Եթե հակահամաճարակային միջոցառումները չեղավ, երկրորդ ալիքը լինելու է, որովհետեւ սկսած մեր գործընկերներից մարդիկ դիմակ չեն դնում, ձեռքերը չեն լվանում, գնում, թաքուն հարսանիքներ են անում, իրար պաչում են, տատիկ-պապիկի կենացն են խմում ու նրանց վարակում: Այս մասին, այսօր՝ սեպտեմբերի 4-ին, ԱԺ-ի դիմաց Ռուսաստան մեկնելու ցանկություն ունեցող ՀՀ քաղաքացիների բողոքի ակցիայի մասնակիցների հետ զրույցում ասաց ԱԺ փոխնախագահ Ալեն Սիմոնյանը:
«Մենք այս 6 ամսում հսկայաական բան ենք արել, կարողացել ենք երկիրը պահել լիակատար բլոկադայի մեջ: Հիմա ժամանակ տվեք հասկանանք, թե ինչպես է հնարավոր պրոբլեմի լուծումը: Չի կարող ինձ համար լավ լինի, եթե ձեզ համար վատ է, հասկանո՞ւմ եք: Մենք 3 մլն-անոց երկիր ենք, եթե օդային հաղորդակցությունը չբացվեց, երկիրը երկար չենք կարողանալու պահենք: Մենք բոլորից շատ ենք ուզում, որ սահմանները բացվեն»,-ասաց նա: