Կառավարական առանձնատների դիմաց կոնդեցիները բողոքի ակցիա են իրականացնում: Նրանք պահանջում են Կոնդում նոր չափագրումներ անել: Բնակիչների խոսքով ՝ փաստացի սեփականության տարածքն ու կադաստրում նշված տվյալները իրար չեն համապատասխանում: Միաժամանակ պահանջում են վարչապետ Նիկոլ Փաշինյանի հետ հանդիպում:
«Իրական փաստացի չափը 180 քմ է, թղթերի մեջ նշված է 70 քմ: Մենք մեր սեփականությունն ենք ուզում, ուրիշ բան չենք ուզում: Այս ամբողջ բորշը սարքել է կադաստրը:Մեր կարծիքով միտումնավոր են անում, որ նախկինում արված ապօրինությունները դուրս չկա ջրի երես»,- ասաց բնակիչներից Նաիրա Եփրեմյանը:
Մի քանի տասնյակ բնակիչներ պահանջում են արադարություն, իրենց անշարժ գույքի նկատմամբ իրենց իրավունքների վերականգնում: Տարբեր գերատեսչությունների են դիմել,սակայն արդյունք չեն տեսել, ամեն հինգշաբթի պատրաստվում են հավաքվել կառավարության շենքի մոտ և ներկայացնել պահանջը՝ մինչև լուծում ստանա:
Ավելի ուշ ցուցարարներին մոտեցավ վարչապետի օգնական Սուրեն Ղամբարյանը: Նրա հավաստամամբ ՝ չորեքշաբթի օրը բոլոր շահագրգիռ կողմերի մասնակցությամբ տեղի կունենա հարցի քննարկում և բոլոր հարցերի պատասխանը կոնդեցիները կստանան այդ օրը: