Երևանը չի պատրաստվում դիմել Հավաքական անվտանգության պայմանագրի կազմակերպությանը՝ կապված Արցախում իրավիճակի սրման հետ: Այդ մասին РИА Новости-ին ասել է ՌԴ-ում Հայաստանի դեսպան Վարդան Տողանյանը:
«Ոչ, նման ծրագրեր մեր կառավարության օրակարգում չկան»,- ասել է Տողանյանը՝ պատասխանելով հարցին, թե մտադի՞ր է արդյոք Երևանն օգնության համար դիմել ՀԱՊԿ-ին:
Հիշեցնենք, որ Ադրբեջանը երեկ վաղ առավոտյան հարձակում է գործել ղարաբաղա-ադրբեջանական զորքերի շփման գծի ողջ երկայնքով: Ներկայումս ինտենսիվ մարտերը շարունակվում են: Հակառակորդն ունի հարյուրավոր կորուստներ: Հայկական կողմը, ցավոք, կորուստներից նույնպես չի խուսափել: