Ֆրանսիայի հարավի Նիցա քաղաքում դանակով հարձակման հետևանքով առնվազն երեք մարդ սպանվել է, և մի քանի մարդ վիրավորվել է: Հաղորդվում է, որ զոհերը գլխատվել են։
Նիցայի քաղաքապետը ասում է, որ կարծում է, որ միջադեպը ահաբեկչություն է։ Քաղաքում ընթանում է ոստիկանության խոշոր գործողություն, և կասկածյալը ձերբակալվել է։ Այս մասին գրում է Mirror-ը։
Զանգվածային դանակահարությունը տեղի է ունեցել Նիցցայի Նոտր-Դամ տաճարում, առավոտյան ժամը 9-ին:
Ըստ հաղորդագրությունների, հանցագործը անհապաղ ձերբակալվել է։
Ֆրանսիայի Ներքին գործերի նախարար Ժերար Դարմանինը հայտնել է, որ այժմ հսկայական ոստիկանական գործողություն է ընթանում:
Նա ասել է, որ նախագահում է ՆԳՆ ճգնաժամային հանդիպումը:
Նիցայի քաղաքապետ Քրիստիան Էստրոսին թվիթերում գրել է, որ ամեն ինչ հաստատում է ենթադրել, որ տեղի ունեցածը ահաբեկչական հարձակում է։