«Հայաստանում ձախողումների հիմնական պատճառը եղել է անփորձությունը, անունակությունը»,- 168.am-ի «Պրեսսինգ» հաղորդմանը տված հարցազրույցում ասել է «Բարգավաճ Հայաստան» կուսակցության նախագահ, պատգամավոր Գագիկ Ծառուկյանը:
«Գնում էին բանակցությունների, հարցնում էինք՝ ինչի՞ մասին եք բանակցել, ասում էին՝ մենք ենք որոշողը՝ ինչ ենք բանակցել, ժողովուրդը մեզ 90 տոկոս ձայն է տվել, մենք էլ որոշելու ենք։ 5 ժամ բանակցում էին, բանակցելուց հետո ասում էին՝ սուրճ ենք խմել, կոնսուլտացիա ենք արել։ Արել եք, պատասխանն ո՞վ պետք է տա, ով որոշել է միաձայն, առանց քննարկելու ընդդիմության հետ, խորհրդարանական և արտախորհրդարանական ուժերի հետ, ժողովրդի հետ։ Այն ժամանակ ասում էին՝ ցանկացած հարց առանց ժողովրդի հետ քննարկելու բացառված է որևիցե բան որոշել։ Հենց ոտները պնդեցին, ինչ ժողովուրդ, ինչ քննարկել, իրենք ամենագետներն են ու դրա արդյունքում այսօր բերեց հասցրեց սրան»,- նշում է նա։
Նրա խոսքով, այսօր ասում են՝ գնացեք Արցախ, մարդը Շուշիից է, Քելբաջարից է, ո՞ւր գնա մարդը։
«Հերիք է սուտ ասել, մարդկանց խաբել, ահաբեկել։ Ռուսաստանի նախագահը հաստատեց, որ այո՝ եթե մենք դիմեինք, պատրաստ էին բանակցել, լիարժեք հրադադար լինել։ Բայց այսօր այս խայտառակ պարտությունից հետո ինչ բանակցություն կարող է լինել։ Ո՞նց եք պատկերացնում Նիկոլ Փաշինյանն Ալիևի հետ բանակցում է, ինչի՞ շուրջ։ Հնարավո՞ր է այդպես բան։ Խայտառակ պարտություն, զոհեր, կորածներ, ավերավածություն, անտուն մարդիկ»։
Գագիկ Ծառուկյանն ընդգծում է, որ այսօր Նիկոլ Փաշինյանի հրաժարականն անհրաժեշտ է, աշխարհում չկա որևէ դեպք, երբ իշխանության ղեկավարը, գերագույն գլխավոր հրմանատարը նման խայտառակ պարտությունից հետո հնարավորություն ունենա բանակցել։
«Վայրկյան շուտ պետք է հրաժարական տա, այս խայտառակ պարտությունից հետո ամեն վայրկյանն աշխատում է ի վնաս մեզ»,- ասում է ԲՀԿ առաջնորդը։
Ըստ նրա, եթե Նիկոլ Փաշիյանը չհեռանա, երկրում որևէ դրական քայլ հնարավոր չէ իրականացնել. «Այսօր ոչ մեկ ոչ ներդրում կանի, ոչ աջակցություն կլինի, ոչ գումար կտրամադրեն։ Մեր պահվածքով ամենավերջին էջում ենք հայտնվել»։
Խոսելով այսօր ընդդիմադիր ուժերի հարհավահավքների մասին, Գ. Ծառուկյանը նշում է. «Քաղաքական ուժերն իրենց տեսակետներն ու ծրագրերն են հայտնում, մնացած որոշողը ժողովուրդն է։ Ժողովուրդը ոնց ընտրել է Նիկոլ Փաշինյանին, այնպես էլ պիտի պահանջի նրա հրաժարականը։ Մենք չենք ասում պիտի արյունահեղություն լինի, ուզում ենք հեղաշրջում անել, ոչ՝ ցիվիլ, ոնց որ կարգն է․ ժողովուրդն է՞ ընտրել, ժողովուրդն էլ պետք է իրա հրաժարականը պահանջի։
Ցանկանալը ուրիշ բան է, աթոռին կառչած լինելը ուրիշ։ Դա կարող կարճ տևի, 10 օր, մի ամիս, ամիսուկես, պետք է իրականությունը նայես, ծրագիրդ նայես, պաշարը նայես, քո զարգացումը նայես, ինչի՞ հիման վրա, ոչ մի հիմք չկա»։
Հարցին՝ թե ինչո՞ւ 17 կուսակցությունների հանրահավաքների ժամանակ իրեն չեն տեսնում հարթակում, Գ. Ծառուկյանը պատասխանում է. «Շատ պարզ պատճառով։ Հանրահավաքների մեկնարկից քիչ ժամանակ առաջ ծանուցագիր են բերում առձեռն, բերողներն էլ գնդապետ կամ փոխգնդապետեր են, հանձնում են, որ պետք է ներկայանամ հարցաքննության: Երբ որ պետք է հանրահավաք լինի, արդեն գիտեմ, ինձ հրավիրելու են, հեսա գնալու եմ: Իրենց հիմնական մտավախությունն է, որ հանկարծ Ծառուկյանը ժողովրդի հետ չհանդիպի: Բայց ես ուզում եմ ասել, որ պետք չի Ծառուկյանից վախենալ, պետք է վախենան իրենց վարած քաղաքականությունից, իրենց խայտառակ պարտությունից, պետք է վախենեն ամբողջ աշխարհի հայությունից, որոնք հպարտ քայլում էին, թող վախենան զոհված, անհայտ կորած զինվորների ծնողներից, որ մարդիկ խելագարվում են, արդեն 40 օր է տեղեկություն չունեն»։
Գ. Ծառուկյանի խոսքով, այսօրվա այս իրավիճակում ցանկացած բանիմաց, փորձառու մարդ այս ծանրության տակ չի ցանկանա մտնի։
«2,5 տարի հիմնական ամեն ինչ կառուցվել է ստի, ֆեյքերի, ֆեյսբուքի վրա։ Ֆեյքերով երկիր է կառավարվել, իրական կյանքը լրիվ ուրիշ է, այնտեղ ուրիշ է»,- ասում է ԲՀԿ ղեկավարը։
Նա շեշտում է, որ իրեն լռեցնելու համար են գործեր հարուցվել իր դեմ, իր ձերբակալությունը քաղաքական հետապնդում է եղել. «4 ամիս շարունակ 110 քննիչներ կուսակցական 2000-3000 ակտիվիստների, կուսակցության կառույցների ղեկավարների են հարցաքննել, իմ դեմ որևէ ցուցմունք չկա։ Հիմնական ձերբակալման նպատակն էր՝ չխոչընդետել քննությանը»։
Գագիկ Ծառուկյանը հայտնում է՝ վարչապետ դառնալու նպատակ չկա:
«Այդ իրենք են պայքարում աթոռին մնալու համար, կառչած են աթոռներից: Այս խայտառակ պարտությունից հետո, հողերը հանձնելուց ու այսքան զոհերից հետո դեռ ցանկանում են մնալ իրենց աոռին, ծրագրեր են ներկայացնում: Ես անձամբ այդպիսի նպատակ չկա։
Մենք այսօր պետք է միասնական լինենք, ինքնանպատակ չէ ինձ համար այդ իշխանության գալը։ Մենք այսօր այնպիսի վիճակում ենք, ամենավատ անդունդի մեջ ենք: Այսօր մեզ կփրկի մասնությունն ու համախմբվածությունը, հանրության կողմից ընդունելի թեկնածուն, իմ հնարավորություններով աջակից կլինեմ այս վիճակից դուրս գալու համար»,- ասում է Գագիկ Ծառուկյանը։