«Ժողովուրդ» թերթը գրում է. «Հայաստանում բենզինի գինը բարձրացել է. արդեն մի քանի օր է՝ հայաստանյան բենզալցակայաններում ռեգուլյար տեսակի բենզինի մեկ լիտրը վաճառվում է 350 դրամով:https://edp2.adriver.ru/images/0007034/0007034892/0/index.html?html_params=xpid%3DDyeu_YvTUeDZexRrT3R013eL4hXtzggeUoQLwbDsqclbYS9rqq4kUnqS_BT8G9uDFQC27KxOngs-IT7krRQgu69w%26target%3D_blank%26bid%3D7034892%26sid%3D216038%26width%3D100%2525%26height%3D100%2525%26rnd%3D4359793%26pz%3D0%26ad%3D714272%26bt%3D52%26bn%3D6%26ar_sliceid%3D2674073%26ntype%3D0%26nid%3D0%26ar_geoid%3D376%26url%3D//ad.adriver.ru/cgi-bin/click.cgi%253Fsid%253D216038%2526ad%253D714272%2526bid%253D7034892%2526bt%253D52%2526bn%253D6%2526pz%253D0%2526xpid%253DDyeu_YvTUeDZexRrT3R013eL4hXtzggeUoQLwbDsqclbYS9rqq4kUnqS_BT8G9uDFQC27KxOngs-IT7krRQgu69w%2526ref%253Dhttps%253A%25252f%25252fwww.1in.am%25252f%2526custom%253D%2526rleurl%253D%26CompPath%3Dhttps%253A//edp2.adriver.ru/images/0007034/0007034892/0/%26ar_pass%3D
Ըստ տնտեսվարողների՝ պատճառը դոլարի փոխարժեքի բարձրացումն է, որը ազդեցություն է ունեցել ներմուծվող ապրանքների գների վրա: «Ժողովուրդ» օրաթերթը, բենզինի գնի բարձրացման հետ կապված, դիմեց ՀՀ տնտեսական մրցակցության պաշտպանության պետական հանձնաժողով, որտեղից փոխանցեցին, որ ուսումնասիրություն են անում, արդյունքների մասին կտեղեկացնեն:
Օրինակ՝ Եվրասիական տնտեսական միության անդամ երկրներում, որի անդամ է հանդիսանում նաև Հայաստանը, բենզինը վաճառվում է գնային տարբերությամբ: Բելառուսում բենզինի մեկ լիտրի միջին գինը կազմել է մոտ 357 դրամ, Ռուսաստանում՝ մոտ 320 դրամ, Ղրղզստանում բենզինի միջին գինը կազմել է մոտ 225 դրամ, Ղազախստանում բենզինի մեկ լիտրի միջին գինը կազմում է միջինը 204 դրամ:
Ի դեպ, տեղեկացնենք, որ Հայաստանը հնարավորություն ունի արտոնյալ պայմաններով Ղազախստանից բենզին ներկրել. համաձայնագիրն ուժի մեջ է: Նշենք, որ Ղազախստանի իշխանություններն այս տարվա ապրիլի 1-ից զրոյացրել են նավթամթերքի արտահանման տուրքերը բոլորի համար՝ կապված նավթի գների անկման հետ, սակայն հետագայում դրանք կարող են վերականգնվել, ինչը արդեն չի անդրադառնա Հայաստանի վրա:
Երբ հայտարարվեց Ղազախստանից բենզին ներկրելու մասին, հանրությունը հույս հայտնեց, որ բենզինի գինը զգալի կնվազի, սակայն, ինչպես տեսնում ենք, այս հարցում դրական տեղաշարժ դեռ չկա»։
Առավել մանրամասն՝ թերթի այսօրվա համարում: