Գորիսի քաղաքապետ Առուշ Առուանյանն իրեն կալանավորելու վերաբերյալ միջնորդության մերժումը դատարանի կողմից օբյեկտիվ է որակում։
«Շինծու գործ էր, արդարությունը հաղթեց»,-դատարանի շենքից դուրս գալուց հետո լրագրողների հետ զրույցում հայտարարեց սյունեցի քաղաքապետը։
Առուշանյանն ասաց՝ հիմա շտապ մեկնելու է Սյունիք, տեղեկություններ է ստացել, որ Որոտանից ևս 12 գյուղ է անցնելու թշնամուն։
«Այն երբեք չի եղել թշնամուն, հիմա այնպես է ստացվում, որ էդ գյուղից էլ են տարածքներ տալիս թշնամուն։ Պետք է շտապ տեղ հասնենք, հասկանանք, ինչ է կատարվում։ Թշնամին ամեն օր նոր որոշումներ է կայացնում, որ դա իր գյուղն է, իր տարածքն է, ու այնտեղ մարդ չկա»,-ասաց Գորիսի քաղաքապետը։
Նա նշեց, իշխանությունները երբեք էլ հետաքրքրված չեն այդ գործառույթներով, հետևաբար ինքը մյուս համայնքապետերի ու բնակիչների հետ փորձելու են բանակցել։