Ես չեմ կարծում, թե նա գնալու է արտահերթ ընտրությունների: Դիտմամբ դաշտը ցանկանում է բաժանել, սովորական տրյուկ է: Այս մասին լրագրողների հետ զրույցում հայտարարել է ընդդիմության վարչապետի թեկնածու Վազգեն Մանուկյանը:
Մանուկյանի խոսքերով, Հայաստանում որևէ ընտրություն չի կարող կազմակերպվել Նիկոլ Փաշինյանի ղեկավարությամբ. «Նա նախ պետք է հեռանա, ձևավորվի ժամանակավոր կառավարություն, որը մի քիչ ուշքի կբերի երկիրը, կբարձրացնի բանակի մարտունակությունը, կգնա բանակցությունների:
Այն, ինչ կատարվում է, խայտառակություն է:
Մենք շարունակոմ ենք տալ ու տալ: Նույնիսկ խորհրդային միության ժամանակ ամեն թիզ հողի համար մենք կռվում էինք: Իսկ այստեղ առանց բանակցությունների, միջազգային իրավունքի տարածքներ են տրվում»:
Մանուկյանը հայտարարեց, որ ընտրությունները տրոհելու են Հայաստանը, քանի որ ընտրությոնները պայքար են ենթադրում:
Վարչապետի թեկնածուն ասաց, որ ընտրություն չի լինելու Նիկոլ Փաշինյանի ղեկավարությամբ, իսկ եթե ընտրություն լինի, ամեն քվեատուփի մոտ արյուն է թափվելու. «Դա՞ է ուզում»:
Վազգեն Մանուկյանը վստահ է, որ քաղաքացիները դուրս կգան փողոց, կփոխեն իշխանությունը, որպեսզի նորմալ ապրենք. «Նախորդ 100 տարվա երազանքները նա կործանեց: Նա Հայաստանում մտցրեց նոր երևությ, որը երբեք չենք ունեցել։
Նրան դավաճան են ասում, բայց ես նրան դավաճան չեմ համարում, ես նրան թշնամի եմ համարոմ՝ մեր պետության ու մեր ժողովրդի թշնամին:
Ինքը մեզ հետ երբեք չի եղել, որպեսզի դավաճաներ: Իր օրոք որևէ զարգացում, չի կարող լինել»,-ասաց նա:
Մանուկյանը վստահ է, որ կրկին կարելի է ոտքի կանգնել. «Այն երևույթները, որոնք մտցրեց, կործանարար են հայ ժողովրդի համար: Մի օրինակը եկեղեցու դեմ պայքարն է: Ուղղորդում են բոլոր ազգային արժեքների դեմ՝ պատմությունը հանում են բուհերից, փորձում են կործանել եկեղեցին: Մեր երկիր թշնամի է մտել, ոչ թե դավաճան:
Ես ողջունում եմ այն երիտասարդներին, որոնք գնում համարձակ կանգնում են, անգամ՝ կռվում: Թշնամու դեմ նաև կռվում են»:
Մանուկյանը հայտարարեց, որ այսօր չկա իշխանություն-ընդդիմություն պայքար, կա թշնամի իշխանություն ու ժողովուրդ. «Մեր ժողովուրդը կկարողանա դուրս գալ այս ծանր վիճակից:
Ընդդիմություն կա, երբ կա քաղաքական հայացքների տարբերոթյուն, ինչն այսօր չկա: Ամբողջ ժողովուրդն է գտնում, որ մենք խայտառակ պարտություն ենք կրել, մեր երկիրը կորցնում ենք Նիկոլ Փաշինյանի պատճառով: Ինչ ընդդիմության մասին է խոսքը»: