Ցավով տեղեկացանք, որ երեկ մահացել է Հայաստանում Մալաքե Թաուսի և յոթ հրեշտակների անունը կրող սրբատեղիի կառուցման նախաձեռնողն ու ավարտին հասցնողը՝ եզդի ժողովրդի արժանավոր զավակ Միրզա Սլոյանը: Այս մասին իր ֆեյսբուքյան էջում գրառում էր արել ազգությամբ եզդի Մրազ Ավդոյանը:
Նա, մասնավորապես, գրել է.
«Ց Ա Վ Ա Կ Ց Ու Թ Յ Ու Ն Ընդամենը ժամեր առաջ խորը ցավով տեղեկացա եզդի ժողովրդի արժանավոր զավակ, ազգային, պահպանողական արժեքների կրող, իր ժողովրդին չափազանց սիրող և արժևորող Միրզա Սլոյանի մահվան մասին: Միրզա Սլոյանը աշխարհում նմանը չունեցող Մալաքե Թաուսի և 7 հրեշտակների անունը կրող սրբատեղիի կառուցման նախաձեռնողն ու այն ավարտին հասցնողն էր, մարդ ում համար կյանքից ու առողջությունից թանկ էր Հայաստան աշխարհում ազգապահպան խորհրդանիշ հանդիսացող տաճարի կառուցումը: Ցավակցություններս նրա ընտանիքի անդաներին և ողջ եզդի ժողովրդին: Թող լույս իջնի ու հոգիդ լուսավորվի պատվարժան ազգակից…»:
Tesaket.info-ի խմբագրությունը խորապես ցավակցում է եղբայրական եզդի ժողովրդին և կիսում ծանր կորստյան վիշտը: