Ով են ընդդիմադիրները: Այս մասին այսօր՝ դեկտեմբերի 29-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պտգամավոր Հայկ Սարգսյանը՝ անդրադառնալով դիտարկմանը, որ ընդդիմությունը պահանջում է վարչապետի հրաժարականը:
«Այդ 17 ուժերը արդեն 40 օր է պահանջում են հրաժարական, բայց իրենց հանրահավաքի մասնակիցների թիվը ամեն օր պակասում է»,-ասաց նա:
Հիշեցմանը, որ բացի այդ ուժերից բազմաթիվ կառույցներ, հանրային գործիչներ եւս պահանջում են Նիկոլ Փաշինյանի հրաժարականը, Հայկ Սարգսյանն արձագանքեց. «Դե իրենք բոլորով իրար հետ 3 հազար մարդ չեն կարողանում հավաքել: Այսօր անգամ 300 մարդ չեն կարողանում հավաքել: Ես որակին չեմ ուզում անդրադառնալ, բայց իրենք լուրջ խնդիր ունեն իրանց մեջ»: