Ռուսաստանի հայերն այս պահին հավաքվում են Մոսկվայում ՀՀ դեսպանատան մոտ՝բողոքի ակցիայի ընդդեմ Նիկոլ Փաշինյանի։ Դեսպանատան շենքի մետաղապատնեշին ամրացվել է «Թուրքնիկոլ» վերտառությամբ պաստառ։
Ռուսական աղբյուրները հաղորդում են, որ ոստիկանական ուժեր են կուտակվել դեսպանատան մոտ։
Ավելի վաղ հայտնել ենք, որ Հայաստանի վարչապետ Նիկոլ Փաշինյանի ինքնաթիռը վայրէջք է կատարել Մոսկվայում։ Flightradar համակարգի տվյալներով՝ ինքնաթիռը վայրէջք է կատարել «Внуково-2» օդանավակայանում։
Նախատեսվում է, որ նա Մոսկվայում բանակցություններ է ունենալու Ռուսաստանի ու Ադրբեջանի նախագահների հետ, որի արդյունքներով կստորագրվի նոր հայտարարություն։
Նիկոլ Փաշինյանը ծրագրում է հանգրվանել Մոսկվայի «Արարատ Հայաթ» հյուրանոցում, ուր կժամանի ժամը 16-ի մոտակայքում։ Արամ Գաբրիելյանովի հաղորդմամբ՝ նախագահական համարն արդեն պատրաստվել է՝ Նիկոլ Փաշինյանի մնալու համար։