Շուշիի ազատագրման օրը հենց դատական նիստ էր նշանակվել, դատախազներն էլ ցինիկաբար ասել են՝ ձեզ Շուշին ազատագրելու համար չենք այստեղ դատում։ Արդյունքում եղավ այն, ինչ մենք 2.5 տարի շարունակ զգուշացնում էինք։ Շատ մեծ խայտառակություն է։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի որդին՝ Լևոն Քոչարյանը։
Ինչ վերաբերում է Լենա Նազարյանի պնդմանը, թե կորցրած տարածքները վերադարձնելը հետադիմական է, Քոչարյանը նշեց, որ դա հիմարություն է դա հետադիմական հայացք համարելը։ Նրա խոսքով՝ այս պահին կան շատ բացեր, որոնք հնարավոր է բանակցությունների միջոցով ինչ-որ օգուտ ունենալ, սակայն այն ինչ ունեցանք՝ մի շարք սխալների, այդ թվում՝ սխալ դիվանագիտության հետևանք էր։
Քոչարյանը նշեց, որ նման աներես իշխանությունն ապշեցնում է և այս ամենից հետո մնալն ուղղակի աբսուրդի ժանրից է և ինքը համաձայն է այն դիրքորոշմանը, որ այս ամենից հետո նրանք պետք է հեռանան։